Երևանի քաղաքապետ Տարոն Մարգարյանի հանձնարարությամբ քաղաքապետի առաջին տեղակալ Կամո Արեյանը «Հարավկովկասյան երկաթուղի» ՓԲԸ գլխավոր տնօրեն Սերգեյ Վալկոյի և Շենգավիթ վարչական շրջանի ղեկավար Արմեն Սարգսյանի հետ միասին գնացքով շրջել և ուսումնասիրել է Երևան քաղաքի
վարչական տարածքի Շենգավիթ և Էրեբունի վարչական շրջաններում երկաթգծերի հարակից հատվածները: Շրջայցի ընթացքում գույքագրվել են երկաթգծերի հարևանությամբ գտնվող բոլոր այն տարածքները, որտեղ նկատվել են շինարարական և կենցաղային աղբի կուտակումներ:
Շրջայցից անմիջապես հետո «Հարավկովկասյան երկաթուղի» ընկերության հետ անց է կացվել խորհրդակցություն, որի շրջանակում պայմանավորվածություն է ձեռքբերվել համատեղ ուժերով մշտական հսկողություն սահմանել մայրաքաղաքի վարչական տարածքի երկաթգծերի հարակից հատվածներում, ինչպես նաև բացատրական աշխատանքներ տանել հարակից տարածքների բնակչության շրջանում՝ աղբի հետագա կուտակումները բացառելու նպատակով:
Խորհրդակցությունից հետո Երևանի քաղաքապետարանի և Շենգավիթ վարչական շրջանի պատասխանատուներն անմիջապես անցել են վերոնշյալ տարածքներում առկա աղբի մաքրման և սահմանված աղբավայրեր տեղափոխելու աշխատանքների իրականացմանը: Սույն աշխատանքների նկատմամբ սահմանվել է մշտական հսկողություն:
Այս մասին տեղեկանում ենք Երևանի քաղաքապետարանի տեղեկատվությանև հասարակայնության հետ կապերի վարչություն
