Վենեսուելայի արտգործնախարարը հայտարարել է, որ երկիրը նոր բողոք է ներկայացրել ԱՄՆ-ի դեմ միջազգային քրեական դատարանում՝ Վենեսուելայի և Մեքսիկայի միջև նավթի և սննդի մատակարարման համաձայնագրի իրականացման ընթացքում Թրամփի վարչակազմի կողմից չարաշահումների վերաբերյալ։
«Եվս մեկ անգամ ապացուցվեց, որ ԱՄՆ-ն Վենեսուելայի դեմ անմարդկային և հանցավոր գործողություններ է իրականացնում, իսկ կորոնավիրուսի բռնկման հետ կապված՝ ԱՄՆ-ն փորձում է խոչընդոտել Վենեսուելայի և Մեքսիկայի միջև նավթի և սննդամթերքի համաձայնագրի իրականացման բոլոր հնարավորություններին»,-նշել է արտգործնախարար Խորխե Արրեասան: Նա նաև հավելել է, որ ԱՄՆ Պետդեպարտամենտը և էկոնոմիկայի նախարարությունը քննարկում են մեքսիկական երկու ընկերությունների վերաբերյալ հարցը, որոնք սննդամթերքի դիմաց Վենեսուելայի հետ նավթային գործարքին են մասնակցում:
Վենեսուելան և Մեքսիկան համաձայնագիր են ստորագրել 2019 թվականին: Վենեսուելան ավելի քան 6 միլիոն բարել նավթ է մատակարարել մեքսիկական Libre Abordo SA մեքսիկական ընկերությանը՝ «Սննդամթերքի դիմաց նավթ» համաձայնագրի շրջանակներում, որը ստորագրվել էր դեռևս 2009 թվականին: Այժմ Վաշինգտոնը փորձում է ճնշում գործադրել Մեքսիկայի վրա համաձայնագիրը դադարեցնելու համար:
Ավելի վաղ, Վենեսուելան Կարակասի դեմ ԱՄՆ-ի կողմից միակողմանի պատժամիջոցների մասին գործը ուղարկել է միջազգային քրեական դատարան: Թրամփի վարչակազմը վաղուց է սահմանել Վենեսուելայի դեմ ամենախիստ տնտեսական պատժամիջոցները, ինչը Լատինական Ամերիկայի տարածաշրջանում բազմաթիվ խնդիրներ է առաջացրել:
