Վաղ առավոտից ցուցարարներն սկսել են իրականացնել բողոքի ակցիաներ հանրապետության տարբեր տարածքներում: Երևանում հայտարարված է գործադուլ և դասադուլ:
Այս պահին բազմաթիվ փողոցներում երթևեկությունը կաթվածահար է, ցուցարարները շարունակում են փակել փողոցները՝ կանգնելով կամ նստելով դրանց դիմաց:
Քիչ առաջ «Քայլ արա» շարժման մասնակիցները փակեցին նաև Մետրոպոլիտենը՝ Դավիթ Սանասարյանի գլխավորությամբ:
Փակ են նաև Հալաբյան, Կիևյան, Օրբելյան փողոցները, Մաշտոցի պողոտան, Օդանավակայան տանող ճանապարհը, և մի շարք այլ փողոցներ, ինչպես նաև Երևան քաղաքից դուրս գտնվող մի շարք այլ ճանապարհներ:
Նշենք, որ վաղ առավոտյան բազմաթիվ քաղաքացիներ շրջափակել են նաև պետական կառույցների շենքերը: Քաղաքացիների մեջ կան նաև փաստաբաններ, որոնք ևս միացել են ցուցարարներին:
