Թուրք ակտիվիստները մտավախություն ունեն Եվրոպայի Խորհրդից Թուրքիայի հնարավոր հեռացումից՝ Անկարայի կողմից Մարդու իրավունքների եվրոպական դատարանի վերջին վճիռները չկատարելու պատճառով։ Այս մասին հայտնում է «Euractiv» լրատվական կայքը։ Խոսքը 2016 թվականի պետական հեղաշրջման փորձին մասնակցելու համար ցմահ ազատազրկման դատապարտված գործարար Օսման Քավալային ազատ արձակելու ՄԻԵԴ պահանջի մասին է։ Ինչպես նշվում է, Եվրոպայի խորհրդի Նախարարների կոմիտեն դատական գործընթաց է սկսել Անկարայի դեմ՝ մարդու իրավունքների խախտման համար, ինչը կարող է ի վերջո հանգեցնել Թուրքիայի՝ Եվրոպայի խորհրդիից նրա հեռացմանը կամ անդամակցության կասեցմանը։
Կայքի տվյալներով՝ Եվրոպայի Խորհրդի ներկայացուցիչները բազմիցս զգուշացրել են Թուրքիային, որ կազմակերպության անդամ բոլոր երկրները պարտավոր են կատարել ՄԻԵԴ-ի որոշումները։ Միաժամանակ Euractiv-ն ընդգծում է, որ մինչ այժմ ԵԽ-ն կողմ է Անկարայի հետ երկխոսությանը բոլոր վիճելի հարցերի շուրջ։
Ավելի վաղ հաղորդվել էր, որ Թուրքիայում ձերբակալվել է Անկարայում ահաբեկչական համարվող FETO կազմակերպության ղեկավարի զարմուհի Սումմեյ Գյուլենը։ Ինչպես նշվում է, ձերբակալվածի հորեղբայրը՝ Ֆեթուլլահ Գյուլենը, թուրքական կողմը մեղադրում է 2016 թվականին պետական հեղաշրջման փորձ նախապատրաստելու մեջ։
