Գլխավոր դատախազի պարզաբանումները Պերմյակովի գործով

ՀՀ գլխավոր դատախազ Գևորգ Կոստանյանը այսօր՝ հունվարի 15-ին, այցելել է Շիրակի մարզի դատախազություն, որտեղ մամուլի ասուլիս է հրավիրել հունվարի 12-ին Գյումրիում տեղի ունեցած դաժան սպանության գործին առնչվող հանգամանքների վերաբերյալ պարզաբանումներ ներկայացնելու համար:

Կարդալ ավելին...

Փերինչեքի գործը

Փերինչեքը չի կարող ՄԻԵԴ-ում կայանալիք դատին ներկա լինել. նրան արգելված է լքել երկիրը

Թուրքիայի աշխատավորական կուսակցության անդամ Ջեմ Յըլդըրըմը հաղորդագրություն է տարածել կուսակցության նախագահ, հայտնի հայատյաց Դողու Փերինչեքի դատական գործի վերաբերյալ՝ կոչ անելով թույլ տալ նրան լքել Թուրքիան ու մասնակցել դատին: Այս մասին «araxnews.com»-ի փոխանցմամբ հայտնել է թուրքական «Բոր հաբեր» կայքը։

Կարդալ ավելին...

Ռուսաստանի օմբուդսմենը կզբաղվի Լևոն Հայրապետյանի խնդրով

Ombudsman-RAՀՀ մարդու իրավունքների պաշտպանի գրասենյակի տեղեկացմամբ` Ռուսաստանում կալանքի տակ գտնվող հայ գործարար Լևոն Հայրապետյանի խնդիրը Ռուսաստանի մարդու իրավունքների հանձնակատար Էլլա Պամֆիլովայի հատուկ ուշադրության կենտրոնում է: Այս մասին Հայաստանի մարդու իրավունքների պաշտպանի ներկայացուցչին հայտնել են Ռուսաստանի մարդու իրավունքների հանձնակատարի գրասենյակից:

Ռուսաստանի մարդու իրավունքների հանձնակատարն անհրաժեշտ հարցումներ է ուղարկել պատկան մարմիններին՝ պարզելու գործարարի առողջական լուրջ խնդիրների առկայության պարագայում վերջինին կալանքի տակ պահելու հիմքերը:

Կարևորելով Հայաստանի Մարդու իրավունքերի պաշտպան Կարեն Անդրեասյանի հետ առկա արդյունավետ համագործակցությունը՝ Ռուսաստանի մարդու իրավունքների հանձնակատարի ներկայացուցիչը վստահեցրել է, որ կատարվում են ընթացիկ աշխատանքներ, և արդյունքների մասին կտեղեկացնեն լրացուցիչ:

Աղբյուրը` ombuds.am:

Կարդալ ավելին... Комментариев нет

ՄԻԵԴ

ՌԴ գերագույն դատարանը, հաշվի առնելով ՄԻԵԴ վճիռը, չեղարկել է տաջիկ նախկին պատգամավորին արտահանձնելու որոշումը

Âåðõîâíûé ñóä ÐÔՌԴ գերագույն դատարանը սեպտեմբերի 3-ին չեղարկել է Մոսկվայի քաղաքային դատարանի կողմից ավելի վաղ ընդունված որոշումը` տաջիկ նախկին պատգամավոր, հայրենիքում մի շարք հանցագործություններ կատարելու մեջ մեղադրվող Նիզոմհոն Ջուրաևի` Տաջիկստանին արտահանձնման մասին: Այդպիսով ՌԴ գերագույն դատարանի նախագահությունը բավարարել է դատարանի նախագահի ներկայացրած դիմումը ՄԻԵԴ համապատասխան վճռի վերաբերյալ: Ըստ ՄԻԵԴ վճռի` Ջուրաևի գործով առկա է Մարդու իրավունքների եվրոպական կոնվենցիայի  3-րդ հոդվածի խախտում (խոշտանգումների արգելք), քանի որ Ռուսաստանի պաշտոնատար անձիք չեն պաշտպանել դիմումատուին խոշտանգված լինելու և դաժան վերաբերմունքի արժանանալու իրական և անմիջական սպառնալիքից, որը կարող էր տեղի ունենալ անօրինական կեպով նրան Տաջիկստանին արտահանձնելու արդյունքում:

Կարդալ ավելին... Комментариев нет

Հրաչյա Հարությունյանի գործը

Հրաչյա Հարությունյանը դատապարտվեց 6 տարի 9 ամիս ազատազրկման

Hrachya HarutjunyanՄոսկվայի Տրոիցկի շրջանի դատարանը մեղավոր է ճանաչել 2013 թ. հուլիսի 13-ին Պոդոլսկի մոտ ուղևորատար ավտոբուսին բախված բեռնատարի վարորդ, ՀՀ քաղաքացի Հրաչյա Հարությունյանին և դատապարտել 6 տարի 9 ամսվա ազատազրկման: Ամբաստանյալը մեղավոր է ճանաչվել ՌԴ Քրեական օրենսգրքի 264 (Ճանապարհային երթևեկության և տրանսպորտային միջոցների շահագործման կանոնների խախտում) և 327 (Փաստաթղթերի կեղծում, կեղծ փաստաթղթերի պատրաստում  կամ վաճառք) հոդվածներով:

Ինչպես այդ մասին հաղորդում է «ԻՏԱՌ-ՏԱՍՍ» գործակալությունը, դատարանի որոշմամբ դատապարտյալը պատիժը կկրի ընդհանուր ռեժիմի քրեակատարողական հիմնարկում: Բացի այդ, Հարությունյանին նշանակվել է 1 տարվա ուղղիչ աշխատանքների կատարում: Նա նաև 3 տարով զրկվել է պատիժը կրելուց հետո տրանսպորտային միջոցներ վարելու իրավունքից:

Ըստ կայացված դատավճռի` ամբողջովին ապացուցվել է Հարությունյանի մեղքը ճանապարհային երթևեկության և տրանսպորտային միջոցի շահագործման կանոնների խախտման մեջ:

Մասնավորապես, դատավճռում ասված է. «Հարությունյանը չգրանցված տրանսպորտային միջոցը վարել է տրանզիտային համարանիշերով` չպահպանելով ճանապարհային երթևեկության կանոնները, ընտրելով ոչ անվտանգ արագություն, ուշադիր չի եղել երթևեկության մյուս մասնակիցների նկատմամբ, ճանապարհը չի զիջել գլխավոր ճանապարհով երթևեկող տրանսպորտային միջոցին»:

Դատարանը համարում է նաև, որ Հարությունյանը տեղյակ է եղել իր տրամադրության տակ եղած «ԿԱՄԱԶ» մակնիշի բեռնատարի արգելակման համակարգի անսարքության մասին: «Ամբաստանյալը ակնհայտորեն իրեն դրել է այնպիսի պայմաններում, որոնց դեպքում չէր կարող ապահովել ավտոմեքենայի վերահսկողությունը, և վթարային իրավիճակ է ստեղծել, ինչը հանգեցրել է վթարի և զոհերի»,-ասված է դատավճռում:

Դատարանը չի քննել ՃՏՊ-ի արդյունքում զոհվածների և տուժածների հարազատների քաղաքացիական հայցն ընդդեմ Հարությունյանի` բարոյական և նյութական վնասի փոխհատուցման վերաբերյալ: Դատավճռում ասվում է, որ դատապարտյալի կողմից բարոյական և նյութական վնասի փոխհատուցման հարցը պետք է վճռվի քաղաքացիական դատավարությամբ:

Հարությունյանի դեմ ներկայացված հայցով տուժողների իրավահաջորդները նրանից պահանջել էին 16 մլն ռուբլի գումար: Հարությունյանի փաստաբան Ռուբեն Մարգարյանի խոսքով, իր պաշտպանյալը տվյալ հայցը մասնակիորեն է ընդունել. մասնավորապես, ըստ Մարգարյանի, «նա համաձայն չէ դրանցում նշված գումարների չափի հարցում»: Ինչպես նշել է Հարությունյանը, նա չի կարող այդպիսի գումարներ վճարել:

Կարդալ ավելին...

ԶԼՄ-ներն LEGALinfo.am-ի նյութերը մեջբերելիս պարտադիր պետք է պահպանեն «Հեղինակային իրավունքի և հարակից իրավունքների մասին» ՀՀ օրենքի դրույթները:
Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
© 2012-2017 LEGALinfo.am Բոլոր իրավունքները պաշտպանված են: