Գերմանիայի կանցլեր Անգելա Մերկելը Թբիլիսիում հայտարարել է, որ «անկեղծորեն » համարում է անհնարին մոտակայում Վրաստանի ՆԱՏՕ-ին անդամակցելը Հարավայի Օսիայի և Աբխազիայի հետ խնդիրների պատճառով։ Այս մասին հայտնում է Թբիլիսիի «ՀԱՅԱՑՔ» թերթը։
Վրաստանի պետհամալսարանի ուսանողների հետ հանդիպմանը կանցլերն ասել է, որ չի տեսնում Վրաստանը ՆԱՏՕ-ում՝ ընդգելով՝ «Աբխազիայի և Հարավային Օսիայի կոնտեքստում» ։
«Մենք չենք կարող խոսել առաջիկա անդամակցության մասին, սա Գերմանիայի դիրքորոշումն է, և այս դիրքորոշումը չի փոխվելու», —ասել է Մերկելը։
Մերկելը հայտնել է , որ չնայած դրան, ՆԱՏՕ-ի վերջին գագաթաժողովում Վրաստանը ստացել է իր փաթեթը։
Կանցլերը նշել է, որ Վրաստանում կհանդիպի գերմանացի զինվորների հետ, որոնք մասնակցել են բազմազգ զորավարժություններին:
Նա նշել է, որ Գերմանիան և Վրաստանը համատեղ գործում են ՆԱՏՕ-ի առաքելությանը Աֆղանստանում, և Վրաստանը ներգրավված է Հյուսիսատլանտյան դաշինքի և Եվրոպական Միության հովանու ներքո այլ առաքելությունների:
«Աստիճանաբար ամեն ինչ ավելի մոտ է, աճում է: Սա է իմ պատասխանը», – ասել է նա:
Վրաստանի ՆԱՏՕ-ին անդամակությունը խոստացվել է 2008 թ., սակայն երկիրը դեռ չի ստացել «Անդամակցության գործողությունների պլան»:
