Ծառահատումների համար 17 անձի մեղադրանք է առաջադրվել

Քննչական կոմիտեն «Դիլիջան ազգային պարկ»-ի պահաբաժիններում բացահայտել է ապօրինի ծառահատումների դեպքեր, 17 անձի մեղադրանք է առաջադրվել: Ապօրինի ծառահատումները կատարվել են 2014-17 թթ-ին Հաղարծին, Շամախյան և Դիլիջան մասնաճյուղերի պահաբաժիններում:

Ապօրինի հատվել է մոտ 9500 հատ տարբեր տեսակի և տրամագծերի ծառ, ինչի հետևանքով պետությանը պատճառվել է առանձնապես խոշոր չափի` մոտ 1.5 միլիարդ դրամի վնաս:

Մեղադրանք է առաջադրվել նաև «Դիլիջան ազգային պարկ»-ի տնօրենի տեղակալին, խափանման միջոց է ընտրվել կալանավորումը և հայտարարվել հետախուզում: