Հարկադիր կատարման ծառայությունում մեկնարկել են առաջատար և գլխավոր խմբերի պաշտոններ զբաղեցնող հարկադիր կատարողների վերապատրաստման հերթական դասընթացները, որոնք անցկացվելու են ս/թ հոկտեմբերի 30-ից մինչև նոյեմբերի 10-ը ներառյալ:
Վերապատրաստման դասընթացներն իրականացվում են ինչպես Հարկադիր կատարման ծառայության փորձառու մասնագետների, այնպես էլ Երևանի պետական համալսարանի իրավագիտության ֆակուլտետից հրավիրված դասախոսների կողմից:
Վերապատրաստման դասընթացների ընթացքում հարկադիր կատարողները կուսումնասիրեն այնպիսի թեմաներ, ինչպիսիք են ՀՀ սահմանադրական կարգի հիմունքները, պարտապանի գույքի վրա արգելանք դնելու և բռնագանձում տարածելու առանձնահատկությունները, արդի տեղեկատվական տեխնոլոգիաները կիրառումը Ծառայությունում, միջանձնային հարաբերությունների հոգեբանական ասպեկտները, ինչպես նաև կունկնդրեն կատարողական վարույթներին առնչվող այլ առանձին թեմաների վերաբերյալ դասախոսություններ՝ միաժամանակ ծանոթանալով նաև որոշ արտասահմանյան երկրներում հարկադիր կատարման համակարգերին:
