Այսօր ՀՀ Ազգային ժողովում կայացավ վարչապետի ընտրությունը, որի ժամանակ 45 կողմ և 55 դեմ ձայներով Նիկոլ Փաշինյանը չընտրվեց ՀՀ վարչապետ:
Նիստի մեկնարկին գրանցվել էր 102 պատգամավոր, որոնցից 26-ը հերթագրվել էր Նիկոլ Փաշինյանին հարց ուղղելու համար:
Նշենք, որ վարչապետի թեկնածուի պաշտոնում ԱԺ «Ելք» խմբակցությունն առաջադրել էր Նիկոլ Վովայի Փաշինյանի թեկնածությունը, իսկ մյուս խմբակցությունների կողմից այլ թեկնածուներ չեն առաջադրել:
Իր ելույթի ժամանակ Փաշինյանը հայտնեց, որ ՀՀԿ-ն այսօրվա քննարկումներով իրեն ոչնչացրեց միանգամից ու անշրջելիորեն. «Սեփական ժողովրդին պատերազմ հայտարարող ուժը չի կարող գոյություն ունենալ և այն ինչ հիմա տեսնում ենք, ոչ թե ՀՀԿ է, այլ նրա ուրվականը»:
Հավելենք, որ ՀՀԿ խմբակցության անդամ Ֆելիքս Ցոլակյանը ևս կողմ է քվեարկել Նիկոլ Փաշինյանի թեկնածությանը, իսկ ՀՅԴ խմբակցության պատգամավոր Աղվան Վարդանյանը հրաժարվել է քվեարկել:
