Երևանի ընդհանուր իրավասության դատարանի Շենգավիթի նստավայրում տեղի ունեցավ ՊՊԾ գունդը գրաված «Սասնա ծռեր» խմբի 10 անդամների գործով դատական նիստը:
Այսօրվա դատական նիստում մեղադրող կողմը հրապարակեց գործում առկա տեսանյութերի զննության արձանագրությունները, որոնք արվել էին ԱԱԾ օպերատիվ-հետախուզական միջոցառումների շրջանակում՝ ՊՊԾ գնդի գրավման օրերին:
Նշենք, որ ըստ հրապապարակված արձանագրությունների տեսանյութերում երևացել են «Սասնա ծռեր» խմբի անդամները, որոնք պարբերաբար դուրս են եկել գնդի տարածքից և շրջել Խորենացի փողոցով: Խմբի մի քանի անդամներ՝ Պավել Մանուկյանը, Արմեն Լամբարյանը, Սեդրակ Նազարյանը, Գագիկ Եղիազարյանը և Արեգ Կյուրեղյանը դուրս են եկել ՊՊԾ գնդի հսկիչ-անցագրային կետից և քայլել դեպի Էրեբունու ոստիկանության շենքի ուղղությամբ, այնուհետև վերադարձել ինչ-որ արկղ և փաթեթ ձեռքներին:
Տեսագրություններից մեկում երևացել են Երևանի փոխոստիկանապետ Վալերի Օսիպյանն ու նակին ոստիկանապետ Աշոտ Կարապետյանը, վերջիններս եղել են մարտաբաճկոններով և «Սասնա ծռեր» խմի մի քանի անդամների ուղեկցությամբ մի հատվածից քայլել են մեկ այլ հատված:
Տեսագրություններում երևացել է նաև, որ «Սասնա ծռեր» խմբի անդամները զրուցել են ՊՊԾ գնդին հարակից տների բնակիչների հետ:
Նշենք, որ այսօրվա նիստի ժամանակ լրացավ Արայիկ Խանդոյանի և Սմբատ Բարսեղյանի նկատմամբ կիրառված սանկցիայի ժամկետը, վերջիններս բերվեցին նիստերի դահլիճ: Ապակեպատ պատնեշից այս կողմ գտնվող անձինք նրանց դիմավորեցին ծափահարություններով: Արայիկ Խանդոյանը տևական ժամանակ նստած տեղից ողջունում էր աջակիցներին, հարցնելով նրանց որպիսությունը:
