Սպիտակ տան ազգային անվտանգության հարցերով խորհրդական Ջոն Բոլթոնն ազատվում է պաշտոնից: Հրաժարականը նախագահ Դոնալդ Թրամփն է պահանջել, դա պատճառաբանելով քաղաքականության շուրջ մի շարք սուր տարաձայնություններով:
«Ես տեղեկացրել եմ Ջոն Բոլթոնին, որ նրա ծառայությունների կարիքը Սպիտակ տունն այլևս չունի: Ես համաձայն չէի նրա շատ առաջարկների հետ, համաձայն չէին նաև աշխատակազմի անդամներից շատերը», – Թվիթերում գրել է նախագահը:
Դոնալդ Թրամփը տեղեկացրել է, որ հաջորդ շաբաթվա ընթացքում կհայտնի ազգային անվտանգության հարցերով նոր խորհրդականի անունը:
