արտի 19-ին, Հայաստանի մարդու իրավունքների պաշտպան Արման Թաթոյանն ընդունել է «Հաշմանդամություն ունեցող ամերիկացիների մասին» օրենքի նախագծողներից, փորձագետ Ջոն Վոդաչին, ինչպես նաև Ներառական իրավական բարեփոխումների կոալիցիայի անդամներին:
«Հանդիպման ընթացքում քննարկվել են ՄԱԿ-ի հաշմանդամություն ունեցող անձանց մասին կոնվեցիայի և «Հաշմանդամություն ունեցող անձանց իրավունքների պաշտպանության և սոցիալական ներառման մասին» ՀՀ օրենքի նախագիծը, դրա ընդունումից հետո օրենքի կիրարկման և հաշմանդամություն ունեցող անձանց իրավունքների պաշտպանության վիճակի մշտադիտարկման մեխանիզմները:
Կարևորելով հաշմանդամություն ունեցող անձանց իրավունքների պաշտպանությունը՝ Պաշտպանը շեշտել է հասարակական կազմակերպությունների դերը դրանց արդյունավետ իրականացման գործում:
Վերջում քննարկվել են նաև հետագա համագործակցության ուղիները և սկզբունքները:
