2017թ. հոկտեմբերի 2-ին «Արմենիա» ԲԿ-ում կյանքը վտանգելով քաղաքացի Վ. Մ.-ին վնասազերծելու, դատապարտյալ Դ. Գ.-ի փախուստը կանխելու, հանցագործության բացահայտմանն օժանդակելու և ծառայողական պարտականությունները պատշաճ կատարելու համար ՀՀ Քրեակատարողական ծառայության պետ, գեներալ-մայոր Ա. Օսիկյանը ՀՀ ԱՆ «Արթիկ» քրեակատարողական հիմնարկի պահպանության ապահովման բաժնի պետի տեղակալ Արթուր Մարուքյանի նկատմամբ կիրառել է «Արտահերթ կոչման շնորհում» խրախուսանքի տեսակը և վերջինիս դեկտեմբերի 13-ին հանդիսավոր կերպով հանձնել «արդարադատության մայոր» կոչումը:
Վերոնշյալ հիմքով ՀՀ ԱՆ «Արթիկ» քրեակատարողական հիմնարկի անվտանգության ապահովման բաժնի երկրորդ կարգի մասնագետ, արդարադատության լեյտենանտ Աշոտ Աշոտյանի և պահպանության ապահովման բաժնի կրտսեր մասնագետ, արդարադատության ավագ սերժանտ Հարություն Շախպազյանի նկատմամբ էլ Քրեակատարողական ծառայության պետի հրամանով կիրառվել է «Միանվագ դրամական պարգևատրում» խրախուսանքի տեսակը:
