Քիչ առաջ Հանրապետության հրապարակում ԱԺ պատգամավոր Նիկոլ Փաշինյանը հայտարարեց, որ վաղը ժամը 08:00-ին պետք է հավաքվեն Հանրապետության հրապարակում:
«Մենք պիտի փորձենք անել հետևյալը՝ շրջափակել կառավարական մի շարք շենքերի մուտքերը որպեսզի աշխատողները չկարողանան ներս մտնել»,- ասաց նա:
Փաշինյանը նշեց, որ վաղը Սերժ Սարգսյանի համար անկնկալ են պատրաստել, բացի այդ վաղը Սերժ Սարգսյանի կառավարության առաջին նիստն է լինելու Կառավարության շենքում:
«Կամ փշալարերի հետևից է տեսնելու Հայաստանը, կամ էլ ոստիկանական վահանների հետևից»,-իր խոսքում նշեց նա՝ հավելելով, որ այսօր իրենք՝ մի քանի հարյուր հոգով, շարժվել են Բաղրամյան 26 և հասել են իրենց նպատակին:
Այնուհետև Փաշինյանն առաջարկեց նորից գանալ Բաղրամյան պողոտա. «Մենք ուղղակի կգանանք և այսօր կտեսնենք, թե ինչ է կատարվում Բաղրամյան 26-ում»:
Այս պահին ցուցարարները երթով շարժվում են Բաղրամյան փողոց
Նշենք, որ ոստիկանները նորից փակել են Բաղրամյան փողոցը:
