ՀՀ Ազգային ժողովի Հաշվիչ հանձնաժողովի նախագահ Գագիկ Մելիքյանը հայտարարեց պատգամավոր Մանվել Գրիգորյանի նկատմամբ քրեական հետապնդում հարուցելուն համաձայնություն տալու քվեարկության արդյունքները. կողմ է քվեարկել 81, դեմ՝ 3 պատգամավոր:
Քվերակությանը մասնակցել են 104 պատգամավորնեից 85-ը:
Հիշեցնենք, որ այսօր ժամը 11:00-ին գումարվել է Ազգային ժողով արթահերթ նիստ, որի ժամանակ քննարկվում է ԱԺ պատգամավոր Մանվել Գրիգորյանին պատգամավորի անձեռնամխելիությունից զրկելու հարցը:
Գլխավոր դատախազ Արթուր Դավթյանը Ազգային ժողովում երկու միջնորդագրեր ներկայացրեց. միջնորդել է համաձայնություն տալ Ազգային ժողովի պատգամավոր Մանվել Գրիգորյանի նկատմամբ քրեական հետապնդում հարուցել, վերջինիս ներգրավել որպես մեղադրյալ և մեղադրանք առաջադրել, ինչպես նաև միջնորդել է, որպեսզի խորհրդարանը Մանվել Գրիգորյանին կալանավորելու որոշում կայացնի:
Հիշեցնենք, որ Մանվել Գրիգորյանը ձերբակալվել է ՀՀ քրեական օրենսգրքի 235-րդ հոդվածի 2-րդ մասով նախատեսված հանցանք կատարելու կասկածանքով, ինչի մասին ՀՀ Սահմանադրության 96-րդ հոդվածի համաձայն անմիջապես տեղեկացվել է ՀՀ Ազգային ժողովի նախագահին:
Հունիսի 17-ին նրա առանձնատանը կատարվել է խուզարկություն և ԱԱԾ աշխատակիցներն այնտեղից հատնաբերել են Ապրիլյան պատերազմի ժամանակ զինվորներին ուղարկված իրեր, զենք-զինամթերք, տասնյակ ավտոմեքենաներ և կենդանիներ:
