Քիչ առաջ ՀՀ վարչապետ Նիկոլ Փաշինյանը աշխատանքային այցով ժամանեց Տավուշի մարզ և հանդիպում ունեցավ Բերդի բնակիչների հետ:
Հանդիպման ժամանակ Բերդի բնակչները սկսեցին բղավել «Քաղաքապետ հեռացիր», ինչին ի պատասխան Նիկոլ Փաշինյանը խնդրեց խնդրեց չգովաբանել կամ չվարկաբեկել տեղական ինքնակառավարման մարմինների ներկայացուցիչներին՝ նշելով, որ դրա համար ուրիշ վայր կա:
«Այսօրվա հանդիպումը չենք օգտագործում, տեղական ինքնակառավարման մարմինների ներկայացուցիչներին ո՛չ գովաբանելու համար, ոչ էլ վատաբանելու համար: Այսօր այդ օրը չէ: Բոլորիդ հարցերը լսելու ենք և արդարությունը հաղթելու է: Եթե ընտրությունը լինի հարազատ եղբոր և արդարության միջև, ես ընտրելու եմ արդարությունը»,- ասաց նա:
Անդրադառնալով բնակիչներից մեկ խնդրանքին՝ սահմանամերձ համայնքներին ուշադրություն դարձնելու վերաբերյալ, Փաշինանը հայտնեց, որ կառավարությունը սահմանամերձ համայնքների բնակիչներին օգնելու փոխարեն պետք է օգնի նրանց աշխատել: Նա նաև կոչ արեց արտերկրում բնակվող մարդկանց ներդրումնել անել Հայաստանում:
