Այսօր Երևանի Շենգավիթ վարչական շրջանի ընդհանուր իրավասության դատարանում դատավոր Իշխան Բարսեղյանի գործով նիստն սկսվեց ուշացումով, պատճառն այն էր, որ ամբաստանյալը չէր բերվել դատարան և նիստերի դահլիճում գտնվող անձինք սպասում էին նրան: Վերջինս դատարան բերվեց 1 ժամ ուշացումով:
Նիստն սկսվելուց հետո դատավոր Վաչե Մարգարյանը ներկաներին հայտնեց, որ Իշխան Բարսեղյանի առողջական վիճակը վատացել է և նա չի կարող ներկա գտնվել նիստին: Դատավորը որոշեց նիստը հետաձգել, համարելով, որ առանց ամբաստանյալի այն չի կարող տեղի ունենալ:
Նշենք, որ նախորդ նիստը ևս հետաձվել էր ամբաստանյալի վատառողջ լինելու պատճառով:
Հիշեցնենք, որ Շենգավիթ վարչական շրջանի ընդհանուր իրավասության դատարանի դատավոր Իշխան Բարսեղյանին մեղադրանք է առաջադրվել ՀՀ Քրեական օրենսգրքի 311-րդ հոդվածի 4-րդ մասի 3-րդ կետով՝ դատավորի կողմից կաշառք ստանալը: Կաշառքի միջնորդություն կատարելու համար փաստաբան Էլզա Զաքարյանին էլ մեղադրանք է առաջադրվել ՀՀ Քրեական օրենսգրքի 313-րդ հոդվածի 1-ին մասով՝ կաշառքի միջնորդությունը:
Ելենա Արամյան
