ՄԻԵԴ-ն արձանագրել է ազատ ընտրությունների իրավունքի խախտում Ֆիրթը և մյուսներն ընդդեմ Միացյալ թագավորության գործով

europea_court_of_human_rights_bigECHR 239 (2014)
12.08.2014
Ֆիրթը  և մյուսներն ընդդեմ Միացյալ թագավորության (գանգատ թիվ 47784/09 և մյուս իննը)

Դատարանը, 5 կողմ, 2 դեմ ձայներով, կայացրել է որոշում, ըստ որի Կոնվենցիայի խախտում է տեղի ունեցել: Դատարանի վճիռը վերջնական չէ[1]: Տվյալ գործով Դատարանն արձանագրել է Մարդու իրավունքների եվրոպական կոնվենցիայի առաջին արձանագրության երրորդ հոդվածի խախտում:

Գործը վերաբերում է 10 բանտարկյալների, ովքեր կայացված համապատասխան դատավճռով դատապարտվել են ազատազրկման: Վերջիններս զրկվել են 2009 թվականի հունիսի 4-ին Եվրոպական խորհրդարանի ընտրություններին մասնակցելու հնարավրությունից:  Դատարանը եզրակացրել է, որ տեղի է ունեցել Մարդու իրավունքների եվրոպական կոնվենցիայի առաջին արձանագրության երրորդ հոդվածի խախտում, որովհետև գործը նման է մյուս բանտարկյալների գործերին (Գրինը և Մ.Տ.-ն ընդդեմ Միացյալ թագավորության, գանգատներ թիվ 60041/08 և 60054/08), որտեղ խախտվել էր ընտրելու իրավունքը, և այդ օրենսդրությունը դեռևս չի բարեփոխվել: Դատարանը արձանագրել է ընտրելու իրավունքի խախտում տասը բանտարկյալների գործերով,  բայց չի նախատեսել փոխհատուցում:

Կարդալ ավելին... Комментариев нет

Մարդու իրավունքների եվրոպական դատարան,ՄԻԵԴ

Բռնությունը չպետք է տեղ գտնի ՄԻԵԴ անդամ պետությունների միջև. Յագլանդ

Thorbjørn JaglandԵվրոպայի խորհրդի գլխավոր քարտուղար Թորբյորն Յագլանդը ողջունել է Ադրբեջանի, Հայաստանի և Ռուսաստանի նախագահների միջև օգոստոսի 10-ին Սոչիում կայացած հանդիպումը` միաժամանակ Հայաստանին և Ադրբեջանին կոչ անելով թուլացնել լարվածությունը: Այդ մասին նշված է ԵԽ պաշտոնական կայքում տարածված հայտարարության մեջ:

ԵԽ-ի գլխավոր քարտուղարի հայտարարության մեջ մասնավորապես ասվում է. «Հաջորդելով (Արցախում) շփման գծի և հայաստանա-ադրբեջանական պետական սահմանի երկայնքով տեղի ունեցած վերջին զինված միջադեպերին` այս հանդիպումը դրական քայլ է երկու երկրների միջև երկխոսության վերսկսման ուղղությամբ: Ես երկու կողմին էլ կոչ եմ անում ձեռնարկել բոլոր հնարավոր ջանքերը` վերջ տալու բռնության աճին, որը վերջին օրերին երկու կողմից էլ բազմաթիվ զոհեր խլեց»:

Թորբյորն Յագլանդը նաև իր ցավակցությունն է հայտնել զոհերի ընտաիքներին:

«Բռնությունը չպետք է տեղ գտնի ՄԻԵԴ անդամ պետությունների միջև, որը երաշխավորում է բոլոր եվրոպացիների կյանքի իրավունքը»,-հայտարարել է Եվրոպայի խորհրդի գլխավոր քարտուղարը:

Կարդալ ավելին... Комментариев нет

ՄԻԵԴ վճիռ. Լինչը և Ուելանն ընդդեմ Իռլանդիայի

europea_court_of_human_rights_bigECHR 238 (2014)
31.07.2014
Լինչը և Ուելանն ընդդեմ Իռլանդիայի (գանգատներ թիվ 70495/10 և թիվ 74565/10)

ՄԻԵԴ Պալատը հուլիսի 31-ին քննել է Լինչը և Ուելանն ընդդեմ Իռլանդիայի գործը և միաձայն որոշել, որ երկու գանգատներն էլ անընդունելի են: Վճիռը վերջնական է: 

Գործը վերաբերում է երկու բանտարկյալի, ովքեր սպանության համար դատապարտվել են ցմահ ազատազրկման` առանց ներման հնարավորության: Ըստ դիմումատուների` Դատարան ներկայացված գանգատի, իրենց շարունակական բանտարկությունը խախտում է Մարդու իրավունքների եվրոպական կոնվենցիայի 5-րդ հոդվածը (ազատության և անձնական անձեռնմխելիության իրավունք): 

Կարդալ ավելին... Комментариев нет

ՄԻԵԴ վճիռ. Յուկոսն ընդդեմ Ռուսաստանի

europea_court_of_human_rights_bigECHR 237 (2014)
31.07.2014

«Նեֆտյանայա կոմպանիա Յուկոս» ՍՊԸ-ն ընդդեմ Ռուսաստանի (գանգատ թիվ 14902/04), գործը վերաբերում է արդարացի փոխհատուցմանը, որը պահանջել է «Յուկոս» ընկերությունը Ռուսաստանի Դաշնությունից:

Պալատի հուլիսի 31-ի որոշմամբ, որը վերջնական չէ, Դատարանը, ղեկավարվելով Մարդու իրավունքների եվրոպական կոնվենցիայի 41-րդ հոդվածով (արդարացի փոխհատուցում), ձայների մեծամասնությամբ արձանագրեց, որ Ռուսաստաննը պետք է վճարի «Յուկոս» ընկերության բաժնետերերին, նրանց ժառանգներին և իրավահաջորդներին, որպես նյութական վնասի հատուցում, 1,866,104,634 եվրո: Վնասը առաջացել էր ընկերության լուծարման ժամանակաշրջանում գործունեությունը կանգնեցվելու պատճառով:

Ռուսաստանը, Եվրոպայի խորհրդի Նախարարների կոմիտեի հետ համագործակցելով, որոշումն ուժի մեջ մտնելուց վեց ամսվա ընթացքում պետք է իրականացնի համալիր ծրագիր արդարացի փոխհատուցման բաշխման գործընթացով:

Դատարանը ձայների մեծամասնությամբ որոշեց, որ պետք է վճարվի 300,000 եվրո՝ որպես Յուկոս ընկերության կատարած դատական ծախսերի փոխհատուցում:

Դատարանը միաձայն որոշեց նաև, որ իրավունքի խախտման փաստի ճանաչումը դատարանի կողմից արդեն իսկ բավարար փոխհատուցում է Յուկոս ընկերության կրած բարոյական վնասի հատուցման համար:

Կարդալ ավելին... Комментариев нет

ՄԻԵԴ

ՄԻԵԴ վճիռ. Նեմցովն ընդդեմ Ռուսաստանի

europea_court_of_human_rights_bigECHR 236 (2014)
31.07.2014 
Նեմցովն ընդդեմ Ռուսաստանի (գանգատ թիվ 1774/11)

ՄԻԵԴ Պալատը հետևյալ որոշումով, որը վերջնական չէ[1], արձանագրել է, որ ընդդիմության առաջնորդի անօրինական ձերբակալության և կալանավորման հետ կապված տեղի է ունեցել Կոնվենցիայի հետևյալ հեդվածների խախտում.

11-րդ հոդվածի խախտում (հավաքների և միավորման ազատություն)

6-րդ հոդվածի առաջին մասի խախտում (արդար դատաքննության իրավունք)

5-րդ հոդվածի առաջին մասի խախտում (ազատության և անձնական անձեռնմխելիության իրավունք)

3-րդ հոդվածի խախտում (խոշտանգումների արգելում)

13-րդ հոդվածի խախտում (իրավական պաշտպանության արդյունավետ միջոցի իրավունք)` 3-րդ հոդվածի համակցությամբ

Գործը վերաբերում է Բորիս Նեմցովի ձերբակալությանը և ազատազրկմանը: Վերջինս հանրության կողմից ճանաչված ընդդիմադիր առաջնորդ է, քաղաքական ուղղվածություն ունեցող ցույց է անցկացրել և մեղադրվել է վարչական իրավախախտում կատարելու համար: 

Կարդալ ավելին... Комментариев нет

ԶԼՄ-ներն LEGALinfo.am-ի նյութերը մեջբերելիս պարտադիր պետք է պահպանեն «Հեղինակային իրավունքի և հարակից իրավունքների մասին» ՀՀ օրենքի դրույթները:
Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
© 2012-2017 LEGALinfo.am Բոլոր իրավունքները պաշտպանված են: