ՄԻԵԴ վճիռ. Քամիրովն ընդդեմ Ադրբեջանի

europea_court_of_human_rights_big
ECHR 271 (2014) 
25.09.2014
Քամիրովն ընդդեմ Ադրբեջանի (գանգատ թիվ 12535/06)

Մարդու իրավունքների եվրոպական դատարանի Պալատը սեպտեմբերի 25-ին կայացրեց վճիռ Քամիրովն ընդդեմ Ադրբեջանի գործով (գանգատ թիվ 12535/06):Պալատը սույն գործով միաձայն որոշեց, որ տեղի է ունեցել Կոնվենցիայի առաջին արձանագրության 3-րդ հոդվածի (ազատ ընտրությունների իրավունք) խախտում:

Շարունակել կարդալ Մեկնաբանություններ չկան

ՄԻԵԴ վճիռ. Օ.Գ.-ն ընդդեմ Լատվիայի

europea_court_of_human_rights_bigՕ.Գ.-ն ընդդեմ Լատվիայի (գանգատ թիվ 66095/09)

Դիմումատու պրն. Օ.Գ.-ն (ծնվ. 1965թ.) Լատվիայի քաղաքացի է: Նա դիմել է Մարդու իրավունքների եվրոպական դատարան՝ պնդելով, որ իրեն հարկադրաբար հոգեբուժարանում տեղավորելը եղել է անօրինական:

2008թ. օգոստոսին նրա դեմ իրականացվող քրեական հետապնդման շրջանակներում դատարանը նրա նկատմամբ սահմանել է ստացիոնար բուժում հոգոբուժարանում: Դատարանը հաշվի է առել այն հանգամանքը, որ դիմումատուն տառապել է քրենիկ պարանոիդ շիզոֆրենիայով և վտանգ է ներկայացրել հասարակության համար: Դիմումատուն սկսել է բողոքարկման գործընթաց, որը քննության չի առնվել, քանի որ նա չի ունեցել բողոքարկման իրավասություն, իսկ նրա օրինական ներկայացուցիչ հանդիսացող հոգեբույժը, ում նշանակել էին դիմումատուի նկատմամբ նախկինում իրականացված քրեական հետապնդման շրջանակներում, չի բողոքարկել վերոհիշյալ ստացիոնար բուժման որոշումը: Այս ամենի արդյունքում 2009թ. հոկտեմբերի 22-ին ոստիկանության աշխատակիցները դիմումատուին իր բնակարանից հարկադրաբար տեղափոխում են Ռիգայում գտնվող հոգեբուժարան: Նա դուրս է գրվում հոգեբուժարանից 2010թ. հունիսի 7-ին, քանի որ նոր որոշում էր կայացվել դիմումատուի հետագա բուժումը ամբուլատոր պայմաններում շարունակելու վերաբերյալ:

Շարունակել կարդալ Մեկնաբանություններ չկան

ՄԻԵԴ վճիռ. Hietsch-ն ընդդեմ Ռումինիայի

europea_court_of_human_rights_bigHietsch-ն ընդդեմ Ռումինիայի (գանգատ թիվ 32015/07)

Դիմումատու տիկին Maria Dorina Rodica Hietsch-ը (ծնվ. 1942թ.) Ռումինիայի քաղաքացի է: Գործը վերաբերում է դատարան դիմելու իրավունքին:

2005թ. տիկին Hietsch-ը դիմել է դատարան՝ խնդրելով անվավեր ճանաչել որոշ հողամասերի վաճառքի վերաբերյալ համաձայնությունը, որը կայացվել էր իր եղբոր և երրորդ կողմի միջև: Տիկին Hietsch-ըպնդել է, որ տվյալ գործարքը խախտել է իր ժառանգման իրավունքը: Դատարանը մերժել է խնդրանքը: Տիկին Hietsch-ըդիմել է բողոքարկման, սակայն վերաքննիչ ատյանը մերժել է քննության առնել դիմումը՝ պատճառաբանելով, որ դիմումատուն սահմանված ժամկետում չի կատարել օրենքով նախատեսված պետական տուրքի վճարումը: 

Շարունակել կարդալ Մեկնաբանություններ չկան

ՄԻԵԴ վճիռ. Ս. Բ.-ն ընդդեմ Ռումինիայի

europea_court_of_human_rights_bigՍ. Բ.-ն ընդդեմ Ռումինիայի (գանգատ թիվ 24453/04)

Դիմումատու տիկին Ս.Բ.-ն (ծնվ. 1952թ.) Ռումինիայի քաղաքացի է: Գործը վերաբերում է ենթադյալ բժշկական անփութությանը:

2011թ. սեպտեմբերին դիմումատուն ստացել է ատամնաբուժական ծառայություններ, որոնց մեջ եղել է նաև այնպիսին, որը, ըստ դիմումատուի, ատամնաբույժը պատշաճ չի իրականացրել: Այդ ամենի հետևանքով դիմումատուն ունեցել է բազմատիվ առողջական խնդիրներ (լնդերի բորբոքում, կտրվածքներ, ցավեր): 2003թ. մարտին նա ներկայացրել է քրեական բողոք, պահանջելով դատաբժշկական փորձաքննության մանրամասն եզրակացություն: Նա ցանկացել է պարզել, թե արդյոք իր գործում առկա է եղել բժշկական անփութություն, որպեսզի պահանջի համապատասխան փոխհատուցում: Փորձագետը իր եզրակացությունում նշել է, որ անհրաժեշտ է հեռացնել պրոտեզը, քանի որ ատամնաբուժական աշխատանքները պատշաճ կերպով չեն իրականացվել: Բուխարեստի շրջանային դատարանը ատամնաբույժին անմեղ ճանաչել է: Դատարանը նշել է, որ դիմումատուն ունի իր մեղքի բաժինը, քանի որ հրաժարվել է պրոթեզները մշտապես անշարժացնելուց: 2011թ. հոկտեմբերին տվյալ որոշումը բողոքարկվել է վերաքննության կարգով:

Շարունակել կարդալ Մեկնաբանություններ չկան

ՄԻԵԴ վճիռ. C.W.-ն ընդդեմ Շվեյցարիայի

europea_court_of_human_rights_bigC.W.-ն ընդդեմ Շվեյցարիայի (գանգատ թիվ 67725/10)

Գործը վերաբերում է հոգեկան գործունեության խանգարում ունեցող անձանց երկարատև հկողության տակ պահելու ընթացակագին:

Դիմումատու C.W.-ն (ծնվ. 1963թ.) Շվեյցարիայի քաղաքացի է: 1989թ. C.W.-ին ախտորոշվել է պարանոիդ շիզոֆրենիա: 1994թ. և 1999թ. նա ծանր մարմնական վնասվածքներ է հասցրել մորը կացնով և մուրճով: 2001թ. ոստիկանի վրա հարձակվելուց հետո նա տեղակայվում է հոգեկան խնդիրներ ունեցող իրավախախտների բուժման համար նախատեսված մասնագիտացված կենտրոն: 2001թ. սեպտեմբերին նա դատապարտվել է 5 տարի ազատազրկման: Դատահոգեբուժական փորձագետի եզրակացության հիման վրա դատավճիռը կասեցվել է և որոշվել է դիմումատուի նկատմամբ սահմանել ստացիոնար բուժում: 2007թ. մայիսին նրա նկատմամբ սահմանված բուժման ժամկետը ավարտվել է, իսկ պաշտոնատար անձիք հրաժարվել են նրան ազատ արձակել և փորձել են նրա ազատ արձակումը երկարաձգել ևս 5 տարով: Դիմումատուի համար խնդրվել է 2 տարվա հետաձգում: 2012թ. հուլիսին ազտազրկումը կրկին երկարաձգվել է՝ այս անգամ 3 տարով:

Հիմնվելով ՄԻԵԿ 5-րդ հոդվածի 1-ին §-ի վրա (ազատության և անձնական անձեռնմխելիության իրավունք)՝ դիմումատուն բողոքում է, որ իր ազատազրկումը կենտրոնում չի ունեցել անհրաժեշտ օրինական հիմքեր և իր հարկադիր բուժման երկարաձգումը 5 տարով չի եղել արդարացված և խախտել է համաչափության սկզբունքը՝ լինելով կամայական, քանի որ գործին մասնակից չի եղել անկախ փորձագետ, ով կփաստեր իր վտանգավորությունը:

Մարդու իրավունքների եվրոպական դատարանը սույն գործով չի արձանագրել ՄԻԵԿ 5-րդ հոդվածի 1-ին §-ի խախտում:

Հաղորդման բնօրինակին անգլերեն լեզվով կարող եք ծանոթանալ այստեղ:

Շարունակել կարդալ Մեկնաբանություններ չկան

ԶԼՄ-ներն LEGALinfo.am-ի նյութերը մեջբերելիս պարտադիր պետք է պահպանեն «Հեղինակային իրավունքի և հարակից իրավունքների մասին» ՀՀ օրենքի դրույթները:

Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:

© 2012-2017 LEGALinfo.am Բոլոր իրավունքները պաշտպանված են: