ELL PARTNERSHIP LLC

Բելառուսի խորհրդարանի ստորին պալատը վավերացրել է Հայաստանի՝ ԵՏՄ-ին միանալու պայմանագիրը

Belarus-palata predstaviteleyԲելառուսի խորհրդարանի ստորին պալատը՝ Ներկայացուցիչների պալատը, դեկտեմբերի 19-ին վավերացրել է Հայաստանի՝ Եվրասիական տնտեսական միությանը միանալու պայմանագիրը: Այս մասին հաղորդում է  բելառուսական «Բելտա» գործակալությունը։

Նախքան փաստաթղթի վավերացումը Բելառուսի փոխարտգործնախարար Ալեքսանդր Միխնևիչը, ներկայացնելով վավերացման վերաբերյալ օրինագիծը, ասել է, որ Լեռնային Ղարաբաղը Հայաստանի անդամակցումից հետո չի մտնի Եվրասիական տնտեսական միության մեջ։

«Մենք մտահոգություն ունեինք, որ տարածքները, որոնք Հայաստանի կազմի մեջ չեն մտնում, կարող էին հայտնվել Մաքսային միության կազմում։ Հայկական կողմը ըմբռնմամբ ընդունեց այս պահանջը, այս ցանկությունը։ Պայմանագրին կցվել է նոտա առ այն, որ Լեռնային Ղարաբաղը Հայաստանի Հանրապետության մաս չէ։ Արվել է հայկական կողմի պաշտոնական բանավոր հայտարարություն»,- ասել է նա։

«Բելտա»-ի փոխանցմամբ՝ Բելառուսում Հայաստանի դեսպան Արմեն Խաչատրյանը լրագրողներին ասել է, որ «այսօր պատմական օր է»։ «Մենք ևս մեկ անգամ հաստատում ենք մեր ցանկությունը, զարգացման մեր ուղղությունը։ Վավերացումից հետո մենք դառնում ենք Եվրասիական տնտեսական միության անդամ, իսկ դա մեծ հնարավորություններ է նշանակում»,- ասել է նա։

Կարդալ ավելին...

Ղազախստանի Մեջլիսը վավերացրել է ԵՏՄ-ին Հայաստանի անդամակցության պայմանագիրը

Kz-MajlisՂազախստանի խորհրդարանի ստորին պալատը՝ Մեջլիսը, դեկտեմբերի 18-ին վավերացրել է «Հայաստանի Հանրապետության՝ Եվրասիական տնտեսական միության 2014թ․ մայիսի 29-ի պայմանագրին միանալու պայմանագրի վավերացման մասին» օրինագիծը:

Այդ մասին հաղորդում է Ղազախստանի խորհրդարանի պաշտոնական կայքը:

«Եվրասիական տնտեսական միությանը Հայաստանի անդամակցումը հսկայական դեր է խաղում, քանի որ մենք համագործակցում ենք Հայաստանի հետ, և մեր այդ համագործակցությունը նպաստում է մեր երկրների միջև տնտեսական զարգացմանը։ Հայաստանի անդամակցության շնորհիվ մենք մեր օրենսդրական շահերի զարգացում ենք նախատեսում»,- ասել է Ղազախստանի ազգային էկոնոմիկայի նախարար Երբոլատ Դոսաևը։

Պայմանագիրը պետք է վավերացնի նաև Ղազախստանի վերին պալատը՝ Սենատը։

Կարդալ ավելին...

ՌԴ Պետդուման վավերացրել է Հայաստանի՝ ԵՏՄ-ին միանալու պայմանագիրը

dumaԴեպտեմբերի 10-ին Ռուսաստանի Դաշնության Պետական դուման վավերացրել է Հայաստանի Հանրապետության՝ Եվրասիական տնտեսական միությանը միանալու վերաբերյալ պայմանագիրը: Այդ մասին հաղորդում է «ԻՏԱՌ-ՏԱՍՍ» գործակալությունը:

Համաձայն գործակալության հաղորդման՝ որոշումն ընդունվել է միաձայն (441 կողմ):

Հայաստանի՝ ԵՏՄ-ին միանալու մասին պայմանագիրը ստորագրվել է այս տարվա հոկտեմբերի 10-ին Մինսկում՝ ՌԴ-ի, Ղազախստանի, Բելառուսի և Հայաստանի նախագահների կողմից: Համաձայն պայմանագրի՝ Հայաստանի Հանրապետությունը ԵՏՄ-ի լիիրավ անդամ կդառնա պայմանագիրը ուժի մեջ մտնելուց, այսինքն՝ բոլոր մասնակից երկրների կողմից այն վավերացվելուց հետո, բայց ոչ շուտ, քան 2015 թ. հունվարի 1-ը:

Կարդալ ավելին...

ԵԱՀԿ

ԵԱՀԿ գլխավոր քարտուղարը մտահոգված է Արցախում ուղղաթիռի խոցման առնչությամբ

ԵԱՀԿ գլխավոր քարտուղարը Եվրախորհրդարանի այսօրվա լսումների ժամանակ մտահոգություն է հայտնել Արցախում ուղղաթիռի խոցման առնչությամբ՝ ավելացնելով, որ նման միջադեպերը սրում են առանց այն էլ լարված իրավիճակը: Այդ մասին հաղորդում է «ՌԻԱ Նովոստի» գործակալությունը:

Կարդալ ավելին...

Եվրոպայի խորհուրդ

Ադրբեջանում պետք է դադարեցվեն իրավապաշտպանների դեմ բռնությունները. Մույժնիեքս

Muiznieks«Ադրբեջանում իրավապաշտպանների դեմ բռնությունները պետք է դադարեցվեն»,- այդ երկիր կատարած երկօրյա այցից հետո հայտարարել է Եվրոպայի խորհրդի մարդու իրավունքների հանձնակատար Նիլս Մույժնիեքսը:

Մասնավորապես, ԵԽ մարդու իրավունքների հանձնակատարն ընդգծել է. «Այցի հրատապությունը թելադրված էր իմ Գրասենյակի՝ քաղաքացիական հասարակության անդամ հանդիսացող գործնականում բոլոր գործընկերների ձերբակալությամբ և անցյալ տարվանից կալանքի տակ պահելով, ինչն առավել բարդացնում է Ադրբեջանում մարդու իրավունքների ոլորտում տարվող աշխատանքը»: 

Կարդալ ավելին...

ԶԼՄ-ներն LEGALinfo.am-ի նյութերը մեջբերելիս պարտադիր պետք է պահպանեն «Հեղինակային իրավունքի և հարակից իրավունքների մասին» ՀՀ օրենքի դրույթները:
Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
© 2012-2017 LEGALinfo.am Բոլոր իրավունքները պաշտպանված են: